اسلام آباد۔11اکتوبر(اے پی پی) وزیر مملکت قانون و انصاف شہادت اعوان آکھیے جو گوادر پورٹ پوری فعال اے، ریلوے لائن تے سڑکاں بݨ چکن ، معاشی ترقی اچ ایں بندرگاہ دا اہم مقام ہوسی ۔ منڳل کوں رخسانہ زبیری، اعظم سواتی، اعجاز چوہدری اتے ٻئے ارکان دے سوال دے جواب اچ انہاں آکھیے جو گوادر پورٹ 2004 اچ مکمل تھی ڳئی ہئی ، پہلے ایندا انتظام سنگاپور اتھارٹی کوں ݙتا ڳیا ، فروری 2018 اچ سی پیک دے تحت ایندا انتظام چینی کمپنی کوں 40 سال کیتے ݙے ݙتا ڳیا ، بندرگاہ پوری فعال اے اتے اتھاں ساریاں سہولتاں میسر ہن۔ انہاں آکھیے سارے ڄاݨدن جو سی پیک تے کم کئیں دے دورے اچ سست روی دا شکار تھئے ۔ وزیر مملکت شہادت اعوان سینیٹر مشتاق احمد دے سوال دے جواب اچ آکھیے جو تلاش اتے شمسی خان دی جاہ تے پل دی تعمیر متعلق انہاں آکھیے جو ایں جاہ تے آر سی سی پل بݨایا ویندا پئے، این ایچ اے کم کریندی پئی اے، ھک سال اچ منصوبہ مکمل تھی ونڄے ۔ سینیٹر مشتاق احمد، سینیٹر عرفان صدیقی اتے سینیٹر تاج حیدر دے سوالاں دے جواب اچ انہاں آکھیے جو ہاکی ساݙا قومی کھیݙ اے لیکن آہستہ آہستہ اینکوں نظر انداز کیتا ڳئے ، 2021 اچ کھیݙاں دا کوٹہ ختم کرݙتا ڳیا ہئی موجودہ حکومت 7 اکتوبر کوݨ اے کوٹہ اتے محکمہ کھیݙ بحال کر ݙتے ،صوبائی حکومتاں کھیݙاں دے گرائونڈز بحال کرݨ دی ذمے وار ہن ، لاہور دے نیشنل ہاکی سٹیڈیم اچ آسٹروٹرف وچھایا ڳیا ہئی لیکن ھک جلسے نال اینکوں کیویں اکھاڑ ݙتا ڳئے ، امید اے صوبائی حکومت اینکوں بحال کریسی ، سکولاں تے کالجز دی سطح تے ہاکی کوں ودھارا ݙیوݨ دی لوڑھ اے ۔
