اسلام آباد۔11اکتوبر (اے پی پی) پاکستان بھارتی وزیراعظم ولوں ریاست گجرات اچ عوامی ریلی اچ بھارت دےغیر قانونی زیرتسلط جموں کشمیر بارے بیان کوں مسترد کر ݙتے۔ منگل کوں دفتر خارجہ توں جاری بیان موجب پاکستان بھارتی وزیراعظم دا مزاقیہ انداز اچ اے آکھݨ جو انہاں کینویں کشمیر دے مسئلے کوں حل کیتے، نہ صرف کوڑا بلکہ گمراہ کن اے اتے ایں توں نشابر تھیندے جو بھارتی قیادت جموں تے کشمیر اچ زمینی حقائق توں کتنی غافل اے۔ بیان اچ آکھیا ڳیا جو جموں تے کشمیر عالمی سطح تے منیا ڳیا تنازعہ اے۔ ایں ابرے 1948 توں ہݨ تئیں قرارداداں اقوام متحدہ دے ایجنڈے اچ شامل ہن۔ تنازعے دے حل کیتے آزادانہ اتے منصفانہ رائے شماری اقوام متحدہ دی واضح قرارداداں دے باوجود بھارت نہ صرف ایں تے غیر قانونی قبضے کیتے بلکہ نو لکھ قابض بھارتی فورسز دی تعیناتی نال بدترین انسانی حقوق دی خلاف ورزیاں دا وی ملزم اے۔ بیان اچ آکھیا ڳیا جو جموں تے کشمیر دے تنازعے دا ہکو حل ایں ڳالھ کوں یقینی ٻݨاوݨ اچ اے جو کشمیریاں کوں جمہوری طریقے نال حق خودارادیت استعمال کرݨ دی موکل ݙتی ونڄے۔
