جنیوا۔12اکتوبر (اے پی پی):اقوام متحدہ دی جنرل اسمبلی انسانی حقوق کونسل دے 14 نویں ارکان دا انتخاب کرڳھدا ۔ چینی ذرائع ابلاغ موجب اقوام متحدہ دی جنرل اسمبلی انسانی حقوق کونسل دے 14 نویں ارکان دا انتخاب کرڳھدا، خفیہ رائے شماری دے ذریعے الجزائر، مراکش، جنوبی افریقہ، سوڈان (افریقہ کیتے)بنگلہ دیش، کرغزستان، مالدیپ، ویتنام (ایشیا پیسیفک کیتے) جارجیا، رومانیہ (مشرقی یورپ کیتے)چلی، کوسٹا ریکا (لاطینی امریکا اتے کیریبین کیتے) بیلجیئم، جرمنی کوں (مغربی یورپ اتے ٻیاں ریاستاں کیتے) یکم جنوری 2023 توں شروع تھیوݨ آی 3سالہ مدت کیتے چݨیے ، انہاں 14 ریاستاں اچوں سوڈان اتے جرمنی مسلسل ݙوجھی واری منتخب تھئن ۔ یاد رہے جو جنیوا اچ قائم اقوام متحدہ دی انسانی حقوق کونسل ھک بین الحکومتی ادارہ اے جیڑھی جو پوری دنیا اچ انسانی حقوق کوں ودھارا ݙیوݨ تے انہاں دے تحفظ دا ذمہ وار اے، ایں دے 47 ممبران ہن، جنہاں اچوں تقریباً ھک تہائی کوں ہر سال بدالیا ویندے توں جو کونسل دے ممبران تسلسل دی خاطر 3سال دی مدت پوری کرن۔کونسل دے ارکان مسلسل ݙو واری منتخب تھیوݨ دے وختی بعد ول منتخب نی تھی سڳدے ۔
