آستانہ۔12اکتوبر (اے پی پی) وزیراعظم شہباز شریف سیکا دے چھینویں سربراہی اجلاس اچ شرکت کیتے ݙو ݙینھ دے دورے تے قزاخستان پڄ ڳئے۔ قزاخستان دے دارالحکومت آستانہ پڄݨ تے وزیراعظم محمد شہبازشریف دا پرتپاک استقبال کیتا ڳیا۔ قزاخستان دے نائب وزیراعظم نورسلطان بایوف وزیراعظم داخیرمقدم کیتا۔ کابینہ دے ارکان اتے اعلیٰ حکام تے مشتمل وفد وزیراعظم محمد شہباز شریف نال اے۔ وزیراعظم ایشیا اچ تعامل اتے اعتماد سازی دے اقدامات تے کانفرنس دے چھینویں سربراہی اجلاس اچ شریک تھیسن۔ وزیر اعظم 13 اکتوبر 2022 کوں سیکا دے اجلاس توں خطاب کریسن۔
