لاہور۔12اکتوبر (اے پی پی)آئرلینڈ دی ویمنز کرکٹ ٹیم 3 ون ڈے انٹرنیشنل اتے 3 ٹی ٹونٹی میچز دی سیریز کھیݙں کیتے 29 اکتوبر کوں پاکستان پڄسی۔ پی سی بی ݙسائے جو آئی سی سی ویمنز چیمپئن شپ سانڳے سیریز اچ قومی خواتین کرکٹ ٹیم اپݨا پہلا ون ڈے 4 نومبر کوں قذافی سٹیڈیم لاہور اچ کھیݙسی۔ مہمان سکواڈ 4 ݙینھ ٹریننگ توں بعد 4، 6 اتے 9 نومبر کوں 3 ون ڈے کھیݙسی۔ 3 ٹی ٹونٹی انٹرنیشنل میچاں دی سیریز 12، 14 اتے 16 نومبر کوں کھیݙی ویسی۔ اے میچز لاہور اچ تھیسن۔ اے سارے میچ سویلے 10 وڄے شروع تھیسن۔
