کرائسٹ چرچ ۔12اکتوبر (اے پی پی) سہ ملکی ٹی 20 سیریز کھیݙݨ کیتے نیوزی لینڈ دے شہر کرائسٹ چرچ اچ قومی کرکٹ ٹیم ٻدھ کوں آرام کیتے اتے قومی ٹیم دا فائنل توں پہلے اہم ترین میچ (اڄ)خمیس کوں بنگلہ دیش دی ٹیم نال کھیݙسی۔ قومی کرکٹ ٹیم ایونٹ اچ 3 اچوں ݙو میچ جیتئن۔ خمیس کوں لیگ دا چھیکڑی میچ تھیسی ڄݙاں جو نیوزی لنڈ دی ٹیم بنگلہ دیش کوں ہرا تے پہلے ہی فائنل اچ پڄ چکی اے۔ بنگلہ دیش اپݨے سارے میچ ہر چکیے۔ سیریز دا فائنل 14 اکتوبر کوں پاکستان اتے نیوزی لینڈ وچال کھیݙیا ویسی۔
