اسلام آباد۔12اکتوبر(اے پی پی)وفاقی وزیر بجلی خرم دستگیر خان آکھیے جو صارفین کوں بجلی دے بلاں اچ 65 ارب روپے دا ریلیف ݙتے، اڳو تے درآمدی ایندھن نال بجلی دا ہک وی یونٹ نا ٻݨیسوں، آندے انہالے تھرکول توں قومی گرڈ کوں 2640 میگاواٹ بجلی ݙتی ویسی۔ قومی اسمبلی اچ ولدا ݙیندے وفاقی وزیر خرم دستگیر خان آکھیا جو صارفین اگست دے بلاں اچ اوکھے تھین، اگست دے بل اچ جولائی دی بجلی دے پیسے لڳن اتے فیول کاسٹ 09.89 پیسے جون دی ہئی، جو ایف پی اے پچھلے مہینے دا لایا ویندے۔ انہاں آکھیا جو وزیراعظم دے آکھیے تے کیٹگری ون اتے ٹو دے فیڈرز تے لوڈشیڈنگ دا دورانیہ ڳھت رہے، وزیراعظم ودھ بلاں اتے ایف پی اے دا نوٹس ڳھن تے لائف لائن صارفین تے کوئی ایف پی اے نا لوݨ دا اعلان کیتا ہا۔
