سرور کربلائی دیرہ غازی خان نال تعلق رکھݨ آلے ہک مہاندرے سرائیکی شاعر ہَن،انہاں توں بغیر کوئی وی سرائیکی زبان دا مشاعرہ ادھورا سمجھا ویندا ہا، سینئر صحافی سجاد لاکھا دا سرور کربلائی دےپتر وسیم کربلائی دی نیشنل پریس کلب اسلام آباد آمد دے موقع تے سرائیکی نیوز سروس نال ڳالھ مہاڑ

اسلام آباد۔12اکتوبر(اے پی پی سرائیکی سروس) سرور کربلائی دیرہ غازی خان نال تعلق رکھݨ آلے ہک مہاندرے سرائیکی شاعر ہَن۔انہاں توں بغیر کوئی وی سرائیکی زبان دا مشاعرہ ادھورا سمجھا ویندا ہا۔ سینئر صحافی سجاد لاکھا دا سرور کربلائی دےپتر وسیم کربلائی دی نیشنل پریس کلب اسلام آباد آمد دے موقع تے سرائیکی نیوز سروس نال ڳالھ مہاڑ کریندیں ہوئیں آکھیا جو انھاں دا کلام ظلم تے جبر دے خلاف بغاوت دا کھلا اظہار ہا، ادب اچ انہاں دا مقام ٻہوں اچا ہے انہاں دا ناں ہمیشہ زندہ رہسی ۔دیرہ غازی خان دی تاریخ اچ انہاں کوں ھک مرکزی مقام حاصل اے۔ انھاں دی شاعری ایجھا آفاقی پیغام اے جنہاں دیاں مثالاں ساکوں ٻہوں گھٹ ملدن۔سرور خان کربلائی دیرہ غازی خان شہر دے بانی نواب خاب میرانہ دودائی دی اولاد وچوں ہن۔ ماہان سرائیکی شاعر سئیں عزیز شاہد وی سرور خان کربلائی دے شاگرد ہن ۔ سینئر صحافی سجاد لاکھا آکھیا  جو اوسرور خان کربلائی نال مشاعرے پڑھدے رہہ ڳئن اتے انہاں دی شاعری  دی کتاب دا مجموعہ ”سجھ دا سینہ” وی موجود اے۔

انہاں دی شاعری اچوں ہک چوݨواں نمونہ

فرات آس تے قابض ہے نسل ذی الجوشن

میں اپڑیں بازو گلینداں تساں علم گولو