آستانہ۔13اکتوبر (اے پی پی) وزیراعظم محمد شہبازشریف اتے تاجکستان دے صدر امام علی رحمان ݙوہیں ملکاں وچال معیشت، تجارت، توانائی اتے روابط دے شعبے اچ تعلقات مضبوط ٻݨاوݨ، کاسا 1000 منصوبے دی جلدی تکمیل، خطے اچ امن تے استحکام کیتے رَل تے کم کرݨ دی لوڑھ تے اتفاق کیتے۔ اے اتفاق رائے خمیس کوں رابطے دے ودھارے اتے اعتماد سازی دے اقدامات “سیکا” دے چھینویں سربراہی اجلاس دے موقع تے ملاقات اچ تھیا۔ وزیراعظم تاجکستان دے صدر کوں ملک اچ تباہ کن چھل دے بعد حکومت ولوں شروع کیتے ڳئے بحالی دے کماں بارے ݙسیا۔ انہاں ماحولیاتی تبدیلیاں نال پیدا تھیوݨ آلے قدرتی آفات دے ودھدے ہوئے خطرے نال نبڑݨ کیتے سانجھی کوششاں دی لوڑھ تے زور ݙتا۔ ݙوہیں رہنماواں اعلیٰ سطح دے رابطے، بین الپارلیمانی رابطے اتے تکنیکی سطح دی ملاقاتاں کوں ٻیا ودھاوݨ تے اتفاق کیتا ۔ ایں موقع تے کاسا 1000 منصوبے دی جلد تکمیل تے رل تے کم کرݨ تے اتفاق کیتا ڳیا۔ ݙوہیں رہنماواں ݙوہیں ملکاں وچال معیشت، تجارت، توانائی اتے روابط دے شعبے اچ تعلقات مضبوط ٻݨاوݨ، کاسا 1000 منصوبے دی جلدی تکمیل، خطے اچ امن تے استحکام کیتے رَل تے کم کرݨ دی لوڑھ تے اتفاق کیتے۔
