سلہٹ۔13اکتوبر(اے پی پی)ویمنز ایشیاکپ ٹی 20 دے ݙوڄھے سیمی فائنل اچ سری لنکا پاکستان کوں ہک رنز توں ہرا تے فائنل اچ ڄاہ ٻݨائی اے۔ سری لنکن ویمنز ٹیم 20 اوورز اچ 6 وکٹاں ونڄا تے 122 رنز ٻݨائن۔ نشرح سندھو 3 وکٹاں ڳھدن، سعدیہ اقبال، ندا ڈار اتے ایمن انور ہک ہک وکٹ ڳھدی۔ سری لنکا ولوں ہرشیتھا سماراوکرما 35، انوشکا سنجیوانی 26 اتے نیلکشی ڈو سلوا 14 رنز ٻݨائے۔ ولدے اچ بسمہ معروف اتے آل راؤنڈر ندا ڈار زبردست بیٹنگ کیتی ٻھل قمست نال نی تھئی اتے کپتان بسمہ 42 رنز ٻݨا تے آؤٹ تھی ڳئی۔ ندا ڈار چھیکڑ تئیں میچ جتواوݨ دی کوشش کیتی ٻھل ٹیم ہک رنز توں ہر ڳئی اتے ایونٹ توں ٻاھرو تھی ڳئی۔
