اسلام آباد۔13اکتوبر (اے پی پی) نیشنل سکلز یونیورسٹی اسلام آباد دے وائس چانسلرپروفیسرمحمد ڈاکٹر مختاراے پی پی سرائیکی نیوز نال گالھ مہاڑ کریندے آکھیے جو 60 فیصد توں ودھ نینگر ملک دی ترقی اچ اہم کردار ادا کر سگدن ۔ سرائیکی علاقے(دیرہ غازیخان ،تونسہ شریف ، راجن پور ) جیڑھے چھل دی زد اچ آویندن اتھاں دے نینگراں کوں آئی ٹی سکلز ݙتیاں ونڄن تاں جو او آپݨا روزگار کما سڳن ۔ وائس چانسلر دا آکھݨ ہا جو ݙوجھی ڳالھ اے ہےجتھاں چھل آویندی اے اتھاں دے لوکیں کوں ترݨ آوݨا چاہیدے تاں جو آپݨی تے آپݨے خاندان دی جان بچاوݨ دے قابل ہوون۔ انہاں آکھیے جوآندے ݙینھاں اچ نیشنل سکلز یونیورسٹی ایندے تے کم کریندی پئی اے ۔ اے نویں یونیورسٹی اے تے میکوں ایں سلسلےاچ سرائیکی وسیب توں ٻہوں سارے لوک رابطہ کریندے رہندن تے آپݨیاں زمیناں دی وی آفر کیتی اے جو اتھاں تساں آپݨا کیمپس بݨاؤ۔انہاں بیا آکھیے ساݙی نظر پورے پاکستان تے ہے کیوں جو ساݙی یونیورسٹی کوشش کریندی پئی اے جو ڈیجیٹل سکلز آٹی ٹی سکلز وی ہووݨیاں چاہیدن ݙوجھیاں ہن علاقائی سکلز جیویں جو سرائیکی علاقے دے وچ پتر تے دھیریں آپݨے علاقے اچ ٻہہ تے کم کرسڳن۔
