اسلام آباد۔14اکتوبر (اے پی پی) صدر مملکت ڈاکٹر عارف علوی صدارتی اقبال ایوارڈز برائے سال 2020-2015 دی منظوری ݙے ݙتی اے۔ محمد اکرام چغتائی کوں اردو زبان اچ ”اقبال اور جرمنی” دے عنوان تے چھپݨ آلی کتاب تے اقبال ایوارڈ ݙیوݨ دی منطوری ݙتی ڳئی۔ جمعے کوں ایوان صدر دے پریس ونگ توں جاری بیان موجب صدر مملکت ، ڈاکٹر عبدالخالق کوں انگریزی زبان اچ اقبالیات تے کتاب ”علامہ اقبال، خودی اور دیگر تصورات” تے اقبال ایوارڈ ݙیوݨ دی منظوری ݙتی ڳئی۔ صدر مملکت غوث بخش صابر کوں بلوچی زبان اچ اقبالیات تے کتاب لکھݨ تے صدارتی ایوارڈ ݙیوݨ دی وی منظوری ݙتی۔ صدرمملکت ایوارڈ دی منظوری آئین دے آرٹیکل 48 ہک اتے اقبال اکیڈمی آرڈیننس 1962 دے تحت ݙتی۔ صدر مملکت اقبال اکیڈمی پاکستان دے پیٹرن ان چیف (سرپرست اعلیٰ) ہن۔
