ملتان۔14اکتوبر (اے پی پی) ڈپٹی کمشنر محمد طاہر وٹو آکھیا جو شہریاں کوں تفریح دے موقع ݙیوݨ کیتے جشن ملتان مناوݨ دا فیصلہ کیتا ڳئے جئیں اچ ملتان سمیت ایں خطے دے کلچر کوں اجاگر کیتا ویسی۔ انہاں آکھیا جو ضلعی انتظامیہ ولوں 22 اکتوبر توں ݙو ݙینھ دا جشن ملتان کلچرل شو شروع تھیسی۔ اے ڳالھیں انہاں گزریل ݙینھ ضلعی محکمیاں دے اجلاس دی صدارت کریندیں ہوئیں آکھی۔ ڈپٹی کمشنر محمد طاہر وٹو خطاب کریندیں ہوئیں آکھیا جو ݙو ݙینھ دے کلچر شو اچ گھڑ سواری، نیزہ بازی اتے مختلف مقابلے تھیسن اتے جشن ملتان دی تقریبات متی تل ایمپلائز ہاؤسنگ کالونی اچ تھیسی۔ انہاں آکھیا جو جشن ملتان اچ فیملیز تے شہریاں دا داخلہ فری تھیسی۔
