وزیراعظم دی ہدایت تے عوام کوں وݙا ریلیف ، بجلی دے نرخ سوا 4 روپے گھٹ کرݙتے ڳئن ، مریم اورنگزیب

اسلام آباد۔15اکتوبر (اے پی پی):وفاقی وزیر اطلاعات ونشریات مریم اورنگزیب آکھیے جو وزیراعظم شہباز شریف دی ہدایت تےعوام کوں وڈا ریلیف ڈیندے ہوئیں بجلی دے نرخ سوا 4 روپے گھٹا ݙتن۔ آپݨے ھک بیان اچ انہاں آکھیے جواکتوبر دے مہینے اچ بجلی دی قیمت گھٹ کیتی ڳئی ،اے کمی فیول چارجز ایڈجسٹمنٹ دی مد اچ کیتی ڳئی اے ،ستمبر دے بجلی دے بلاں اچ لڳِݨ آلی سہ ماہی ایڈجسٹمنٹ ہی جاری رکھݨ دا فیصلہ کیتے ، انہاں آکھیے اے فیصلہ بجلی دی ودھدی قیمتاں دے پیش نظر کیتا ڳئے ،عوام تے ٻوجھ کوں ݙیکھدے ہوئیں صارفین دے بجلی دے ریٹ نہ ودھاوݨ دا فیصلہ کیتا ڳئے ،نیپرا 14 اکتوبر 2022کوں سال22-2021دی چوتھی سہ ماہی دی ایڈجسٹمنٹ دا فیصلہ ݙتے ۔