امریکی صدر دا بیان حقائق دے برعکس تے گمراہ کن اے، اینکوں مسترد کریندوں ، پاکستان ذمہ وار جوہری ریاست اے،جوہری پروگرام موثر تکنیکی اتے فول پروف کمانڈ اینڈ کنٹرول سسٹم دے زیر انتظام اے، وزیراعظم شہبازشریف

اسلام آباد۔15اکتوبر(اے پی پی):وزیراعظم شہباز شریف امریکی صدر دے بیان کوں حقائق دے برعکس اتے گمراہ کن قرار ݙیندے ہوئیں مسترد کرݙتے تے آکھیے جو گزریل ݙھاکے ثبوت ہن جو پاکستان انتہائی ذمہ دار جوہری ریاست اے،جوہری پروگرام موثر تکنیکی اتے فول پروف کمانڈ اینڈ کنٹرول سسٹم دے زیر انتظام اے۔ وزیر اعظم آکھیے جو جوہری ہتھیاراں دی صلاحیت متعلق پاکستان ہمیشہ ذمہ دارانہ کردار دا مظاہرہ کیتے ،پاکستان عدم پھیلاؤ، سلامتی وتحفظ تے عالمی ایٹمی توانائی ایجنسی (آئی اے ای اے) سودھے عالمی معیارات دے اپݨے پختہ عہد کوں پورا کیتے ۔انہاں آکھیے جو عالمی امن کوں اصل خطرہ عالمی مروجہ اقدار کوں پامال کرݨ آلیاں کجھ ریاستاں، انتہا پسند قومیت پسندی، غیرقانونی قبضیں دے خلاف جدوجہد کرݨ آلیں دے انسانی حقوق دی خلاف ورزیاں توں اے ،دنیا دے امن کوں اصل خطرہ سرفہرست جوہری ملکاں دے درمیان اسلحہ دی بھڄ دھرک توں اے ۔انہاں آکھیے دنیا دے امن کوں اصل خطرہ انہاں ملکاں توں اے جتھاں جوہری سلامتی متعلق ول ول حادثے تھئن ،دنیا دے امن کوں اصل خطرہ سلامتی دے انہاں اتحادیاں توں اے جنہاں دی تشکیل توں علاقائی توازن متاثر تھیندا پئے ۔ انہاں آکھیے پاکستان تے امریکہ دے درمیان دوستی تے سانجھے مفاد تے مبنی تعاون دی ھک طویل تاریخ اے،دنیا جݙاں وݙے وݙے مسئلے تے مشکلات توں ݙوچار اے ، ایجھے وچ پاکستان تے امریکہ دے درمیان تعلقات دی حقیقی صلاحیت کوں سنڄاپݨ کیتے خالص اتے پائیدار کوششاں ناگزیر ہن،ایں مقصد کیتے غیرضروری بیانات توں پرہیز کیتا ونڄے ۔ علاقائی امن و سلامتی دے ودھارے کیتے امریکہ نال تعاون دی پرخلوص خواہش رکھیندوں ۔