عمران خان،فواد چوہدری،عمر ایوب،فرخ حبیب تے ٻئیں دے بیانات مکمل طور تے بے بنیاد تے گمراہ کن ہن انہاں دا حقیقت نال کوئی تعلق کائنی ،ترجمان الیکشن کمیشن

اسلام آباد۔16اکتوبر(اے پی پی):الیکشن کمیشن پی ٹی آئی دے چئیرمین عمران خان سودھے ٻئے رہنماواں دے بیانات کوں مکمل طور بے بنیاد تے گمراہ کن قرارݙیندے ہوئیں آکھیے جو انہاں بیانات دا حقیقت توں کوئی تعلق کائنی ۔اتوار کوں ترجمان الیکشن کمیشن توں جاری بیان موجب عمران خان،فواد چوہدری،عمر ایوب،فرخ حبیب اتے ٻئیں دے بیانات مکمل طور تے بے بنیاد اتے گمراہ کن قرار ݙتے انہاں دا حقیقت نال کوئی تعلق کائنی۔الیکشن کمیشن آف پاکستان صاف،شفاف اتے غیر جانبدارانہ انتخابات کراوݨ کیتے پرعزم اے اتے حالی تئیں اللہ تعالٰی دے فضل وکرم نال ایویں تھیندا پئے ۔ جے کوئی بندہ الیکشن دے عمل تے اثر انداز تھیوݨ دی کوشش کریسی تاں ایندے نال آئین اور قانون دے مطابق سختی نال نبݨیا ویسی ۔