عوام کیتے کھاوݨ پیوݨ دیاں چیزاں دا سوکھیاں ݙیوݨ حکومت دی اولین ذمہ واری اے، اسپیکر قومی اسمبلی راجہ پرویز اشرف

اسلام آباد۔16اکتوبر (اے پی پی):اسپیکر قومی اسمبلی راجہ پرویز اشرف تے قائم مقام اسپیکر زاہد اکرم درانی عالمی یوم تحفظ خوراک دے موقع تے آپݨے پیغام اچ آکھیے جو خوراک زندگی دی بنیادی ضرورت اے، عوام کیتے کھاوݨ پیوݨ دیاں چیزاں دا سوکھیاں ݙیوݨ حکومت دی اولین ذمہ واری اے ،ملک دی تعمیر و ترقی اچ زراعت دا شعبہ ریڑھ دی ہݙی دی حیثیت رکھیندے ۔سپیکرآکھیے جو ملک اچ خوراک دی قلت توں بچݨ کیتے کساناں کوں پیش آندے مسئلیں دے حل کوں ڳولݨا ہوسی ، اڄوکے سیلاب پاروں ملک اچ فصلاں تے لائیو اسٹاک دا ٻہوں ضیان تھئے ،سیلاب توں فصلاں کوں تھیوݨ آلے ضیان ملک اچ خوراک دی قلت دا باعث بݨ سڳدے ۔اسپیکر قومی اسمبلی آکھیے جو خوراک کوں ضائع تھیوݨ توں بچاوݨ ہر شہری دی ذمہ واری اے،ناجائز منافع خوری کیتے ذخیرہ اندوزی کرݨ آلے قومی مجرم ہن انہاں دے خلاف سخت کارروائی کیتی ونڄے ۔قائمقام سپیکر قومی اسمبلی آکھیے جو اڄوکے سیلاب پاروں 33 ملین توں ودھ لوک متاثر تے لکھاں ایکڑ تے کھڑیاں فصلاں تباہ تھئن ۔