وزیراعظم شہباز شریف دا سینئر صحافی خواجہ فرخ سعید دے انتقال تے ݙکھ تے افسوس

اسلام آباد۔16اکتوبر(اے پی پی) وزیراعظم شہباز شریف سینئر صحافی خواجہ فرخ سعید دے انتقال تے ݙکھ تے افسوس کیتے ۔ اتوار کوں وزیراعظم آفس میڈیا ونگ توں جاری بیان موجب وزیر اعظم آکھیے جو خواجہ فرخ سعید پاکستان بالخصوص پنجاب دے صحافیاں دے ممتاز قائد ہن،انہاں ساری عمر اقدار وروایات دی حامل صحافت کیتی تے انہاں نظریاتی قلم کار دی شہرت پاتی ،صحافت اتے صحافیاں دے حقوق کیتے انہاں دی خدمات دیرتئیں یاد رکھیاں ویسن ۔وزیراعظم مرحوم دے اچے درجے تے لواحقین کیتے صبر دی دعا کیتی ۔