اسلام آباد۔16اکتوبر(اے پی پی):وزیراعظم محمد شہباز شریف آکھیے جو اڄوکے تباہ کن سیلاب پاکستان اچ لکھاں ایکڑ رقبے تے تیار فصلاں کوں تباہ کرݙتے ، پاکستان جیہے زرعی ملک کوں وی کھاوݨ پیوݨ دیاں چیزاں درآمد کرݨیاں پوسن۔ موسمیاتی تبدیلی ساݙی زندگی تے منفی اثر پیندی پئی اے جیں اچ عالمی سطح تے غربت اتے بھک اچ ودھارا سرفہرست اے۔ آپݨے ھک ٹویٹ اچ وزیراعظم آکھیے جو اڄوکے تباہ کن سیلاب لکھاں ایکڑ تے تیار فصلاں کوں تباہ کرݙتے ۔ اڄ خوراک دا عالمی ݙینھ دنیا دے مختلف ملکاں دے غذائی تحفظ کوں یقینی بݨاوݨ کیتے مجموعی عالمی اقدامات دی اہمیت اجاگر کریندے وزیراعظم آکھیے جو موسمیاتی تبدیلی دی وجہ توں قدرتی آفات تے عالمی منڈی اچ ودھدیاں قیمتاں توں غذائیت توں بھرپور خوراک، جئیں دی پہلے توں ہی کمی ہئی ،دی عالمی سطح تے مزید قلت دا خدشہ اے۔ موسمیاتی تبدیلی ساݙی زندگیاں تے کئی طریقے نال منفی اثرات مرتب کریندی پئٰ اے جیں اچ عالمی سطح تےغربت اتے بھک اچ ودھارا سرفہرست اے۔
