اسلام آباد۔16اکتوبر(اے پی پی):صدر مملکت ڈاکٹر عارف علوی ترکیہ اچ کولیں دی کان اچ دھماکے اچ جانی ضیان تے اظہار تعزیت کریندے ہوئیں آکھے جو پاکستان اوکھے ویلھے ترکیہ دے اپݨے بھراویں تے بھیݨاں نال مکمل یکجہتی نال کھڑے۔اتوار کوں ایوان صدر دے پریس ونگ توں جاری بیان موجب صدر مملکت ڈاکٹر عارف علوی ترکیہ دےشمالی صوبہ بارٹن اچ کولیں دی کان اچ دھماکے دے متاثرین نال دلی تعزیت اتے یکجہتی دا اظہار کیتے جیں دے نتیجے اچ درجناں لوک ہلاک تے زخمی تھئن ۔صدر مملکت دعا کیتی جو اللہ تعالیٰ مرحومین کوں جنت الفردوس اچ اعلیٰ مقام عطا فرماوے تے زخمیاں کوں وختی صحت ݙیوے ، انہاں ریلیف تے ریسکیو آپریشن دی کامیابی کیتے دعا کیتی ۔
