اسلام آباد۔17اکتوبر(اے پی پی) پاکستان کرکٹ بورڈ (پی سی بی) بنگلہ دیش انڈر 19 کرکٹ ٹیم دے دورہ پاکستان دے شیڈول دا اعلان کریندے آکھیے جو بنگالی ٹیم ہک چار ݙیہاڑی اتے 5 ہک ݙیہاڑی میچ کھیݙݨ کیتے یکم توں 19 نومبر تئیں پاکستان دا دورہ کریسی۔ اے میچ 4 توں 18 نومبر تئیں اقبال سٹیڈیم فیصل آباد اچ تھیسن۔ ون دے میچز 45 اووراں دے ہوسن۔ اے 15 سالاں اچ پاکستان اچ پہلی جونیئر بین الاقوامی سیریز تھیندی پئی اے۔ ایں سیریز کیتے قومی انڈر 19 اسکواڈ دا اعلان بعد اچ کیتا ویسی۔ بنگلہ دیش انڈر 19 ٹیم 4 توں 7 نومبر تئیں چار روزہ میچ کھیݙسی۔ پہلا ون ڈے 10 نومبر، ݙوڄھا ون ڈے 12 نومبر، تریڄھا ون ڈے 14 نومبر، چوتھا ون ڈے 16 نومبر اتے پنڄواں ون ڈے 18 نومبر کوں کھیݙیا ویسی۔
