لاہور۔17اکتوبر(اے پی پی)وزیراعلیٰ پنجاب لاہور دے ماسٹر پلان 2050 دے پلان دی منظوری ݙیندے آکھیے جو لاہور ماسٹر پلان دے تحت ودھدی آبادی دی رہݨ وسݨ دی لوڑھ سامݨے رکھی ویسی۔ اے فیصلہ لاہور اچ وزیراعلیٰ پنجاب پرویز الٰہی دی اڳواݨی اچ اجلاس اچ کیتا ڳئے۔ اجلاس اچ کنسلٹنٹ ماسٹر پلاننگ مسٹر ڈیوڈ لاہور ماسٹر پلان 2050ء تے تفصیلی بریفنگ ݙتی۔ اجلاس اچ ایل ڈی اے ہاؤسنگ سکیماں اچ اوورسیزپاکستانیاں کیتے ون ونڈو آپریشن دی وی اجازت ݙتی گئی، اوورسیز پاکستانی ہکے ݙینھ ایل ڈی اے توں پلاٹ ڳھن سڳسن اتے فوری ٹرانسفر دی سہولت ملسی۔ وزیر اعلیٰ شاہدرہ پلان تے عملدرآمد، آزادی چوک اچ موٹر سائیکل سواراں کیتے بائیکرز اورہیڈبرج ٻݨاوݨ دی وی منظوری ݙتی اتے ایل ڈی اے بلڈنگ اینڈ زوننگ ریگولیشن2019ء اچ ترامیم دا آکھیا۔
