اسلام آباد۔18اکتوبر (اے پی پی) سپیکر قومی اسمبلی راجہ پرویز اشرف دا سانحہ کارساز دے شہیداں کوں خراج عقیدت پیش کیتا۔ انہاں آکھیا جو سانحہ کارساز دے شہیداں ملک اچ جمہوریت دی بحالی اتے آپݨٰی عظیم قائد شہید محترمہ بے نظیر بھٹو دی حفاظت کیتے آپݨی جاناں دا ںذرانہ پیش کیتا۔ انہاں آکھیا جو سانحہ کارساز دے موقع تے کارکناں جینویں بہادری اتے ثابت قدمی نال آپݨی قائد محترمہ بینظیر بھٹو نال شانہ بشانہ رہیے اتے ملک اچ جمہوریت دی بحالی کیتے آپݨی جاناں دی قربانیاں ݙتن اوندی مثال نی ملدی۔ انہاں آکھیا جو 18 اکتوبر، 2007 دے ݙینھ کوں ملک دی تاریخ اچ کالا ݙینھ دے طور یاد رکھیا ویسی۔ انہاں آکھیا جو اڄ توں پندراں سال پہلے اڄ دے ݙینھ پاکستان پیپلز پارٹی دی عظیم قائد محترمہ بینظیر بھٹو دے پرامن قافلے تے جئیں اچ لکھاں لوک آپݨی قائد دی کال تے ملک اچ جمہوریت دی بحالی کیتے شامل ہن دہشت گردی دا بدترین حملہ کیتا ڳیا جئیں اچ سینکڑاں لوک شہید تھیے اتے زخمی تھیے۔ انہاں شہیداں دے لواحقین نال ہمدردی کریندیں ہوئیں اللہ تعالیٰ توں شہیداں دے درجات دی بلندی کیتے دعا کیتی۔
