ملتان۔19اکتوبر(اے پی پی):وائس چانسلر ویمن یونیورسٹی پروفیسر ڈاکٹرعظمیٰ قریشی آکھیے جو ملتان دی ھک سنڄاݨ اتھاں دا صوفی ازم اے جیڑھا جو صدیاں توں چلیا آندے ۔ اے ڳالھ انہاں ویمن یونیورسٹی اچ منعقدہ صوفی نائٹ دی تقریب توں خطاب کریندے ہوئیں آکھی اے ۔ انہاں آکھیے جو برصغیر اچ صوفی ازم دیاں پاڑاں ٻہوں جھکیاں ہن تے ایندے ساݙی زندگی تے ٻہوں اثرات ہن ۔ویمن یونیورسٹی ایں خطے دی سنڄاݨ بݨدی پئی اے تعلیمی سرگرمیاں دے نال نال غیرنصابی سرگرمیاں اچ ساݙی طالبات دی کارکردگی قابل تحسین اے۔صوفی نائٹ اچ معروف قوال حیدر قوال بینڈ آپݨے فن دا مظاہرہ کیتے۔ ایں موقع تے استاداں تے طالبات دی وݙی تعداد موجود ہئی۔
