مظفرگڑھ۔ 19 اکتوبر (اے پی پی) مظفرگڑھ اچ ستویں تھل جیپ ریلی دا اعلان کریندیں ہوئین فوکل پرسن ولوں شیڈول جاری کر ݙتا ڳے۔ میگا سپورٹس ایونٹ ستویں تھل جیپ ریلی دے فوکل پرسن ایڈیشنل ڈپٹی کمشنر ریوینیو تنویر مرتضی دے مطابق ہیڈ محمد والہ دے ریت ٹیلیاں توں شروع تھیوݨ آلی چار روزہ تھل جیپ ریلی 17نومبر2022 توں20 نومبر تئیں جاری رہسی۔ تھل جیپ ریلی دے پہلے ݙینھ 17 نومبر کوں ڳاݙیاں دی رجسٹریشن، ٹیگنگ اتے میڈیکل چیک اپ تھیسی۔ ݙوجھے ݙینھ 18 نومبر کوں کوالیفائنگ راؤنڈ تھیسی،تریجھے ݙینھ 19نومبر کوں سٹاک کیٹگری ریس تھیسی اتے چھیکڑی فینھ 20 نومبر کوں موڈیفائیڈ وہیکل اینڈ ویمن کیٹگری ریس اتے سارے شرکا کوں تقسیم انعامات دی تقریب تھیسی۔ ٹورازم ڈویلپمنٹ کارپوریشن اتے ضلعی انتظامیہ دے تعاون نال اے جیپ ریلی کرائی ویندی پی اے اتے فوکل پرسن ایڈیشنل ڈپٹی کمشنر ریونیو تنویر مرتضی کوں مقرر کیتا ڳے۔
