سلام آباد۔19اکتوبر(اے پی پی)وفاقی وزیر خزانہ و محصولات سینیٹر محمد اسحاق ڈار آکھیے جو قومی معیشت دا استحکام، پائیدار اقتصادی نمو اتے مہنگائی ڳھٹاوݨ ساݙی ترجیح اے، ملک کوں ݙیوالہ تھیوݨ تؤں بچائے، مہانگ اچ تیکھے کمی ݙسݨ لڳ ویسی، اساں سیاست کوں نئیں ریاست کوں اڳونہا رکھیندے ہیں، پاکستان اچ جی ڈی پی دے تناسب نال قرضاں دی شرح جاپان اتے ٻئے ترقی یافتہ ملکاں دے قمابلہ اچ ڳھٹ اے۔ اے ڳالھ انہاں آل پاکستان چارٹرڈ اکائونٹنٹس کانفرنس نال خطاب اچ آکھی۔ انہاں آکھیا جو اڄوکے دور اچ جدید ٹیکنالوجی، پائیداریت نال طرز حکمرانی اچ بہتری اتے صنعتی ترقی کوں اڳو ودھاوݨ ضروری اے، پبلک فنانس دے ماہرین اینڄھا مالیاتی ماڈل ݙیون جیندے نال معاشی و اقتساڈی ترقی کوں ودھاوݨ اچ مدد ملے۔ انہاں آکھیا جو ن لیگ دے پچھلے دور اچ سارے اقتصادی اعشاریئے ترقی آلے ہن، ول پچھلے چار سال دے دور اچ میعشت دی ٻیڑی ڄاݨ ٻڄھ تے ٻوڑی ڳئی اے ھل ہݨ اساں حکومت اچ آندے ہی حقیقت پسندانہ اقدامات نال معیشت کوںر اہ تے سٹݨ دی کوشش اچ ہیں، اساں کامیابی نال اڳو تے ودھدے پئے ہیں اتے تیکھے ملکی مسلیاں دا حل ݙس پوسی اتے لوکاں کوں سوکھ ملسی۔
