ملتان۔19اکتوبر(اے پی پی) نشتر ہسپتال ومیڈیکل یونیورسٹی دی چھت توں ملݨ آلیاں 58 ان ڄاݨ لاوارث لاشاں دا ڈی این اے ریکارڈ محفوظ کرتے، نماز جنازہ توں بعد مختلف علاقیاںا چ تدفین کر ݙتی ڳئی اے۔ وزیراعلیٰ پنجاب دے مشیر طارق زمان گجر ݙسائے جو نشتر ہسپتال دی چھت تے ملݨ آلیاں لاوارث لاشاں کوں دفناوݨ دا فیصلہ کیتا ڳیا ہا جیندے بعد نشتر ہسپتال انتظامیہ لاشاں دے ڈی این اے ٹیسٹ کرائن اتے انہاں میتاں دا مکمل ریکارڈ نشتر میڈیکل یونیورسٹی انتظامیہ کولو اے۔ اے میتاں مختلف تھاݨیاں دی حدود اچ قبرستاناں اچ سارے مذہبی رسومات نال دفن کر ݙتا گئے۔ انہاں آکھیا جیکر اڳو تے کوئی لاوارث لاش آسی تاں معاملہ متعلقہ تھاݨے دی پولیس مقررہ ویلھے دے بعد ہسپتال توں لاش ڳھن ونڄݨ اتے ایندی تدفین دی پابند ہوسی۔
