مکہ مکرمہ ۔21اکتوبر(اے پی پی) سعودی وزارت حج وعمرہ آکھیے جو اڄوکے سال ہجری دے آغاز توں ہݨ تئیں 176 ملکاں کیتے 20 لکھ توں ودھ عمرہ ویزے جاری کیتے ڳن ۔العربیہ نیٹ نال ڳالھ کریندے ہوئیں حج وعمرہ اتے زیارت قومی کمیٹی دے رکن ہائی العمیری ݙسایا جو 150 دے نیڑے عمرہ کمپنیاں دی طرفوں زائرین کوں مکہ آمد توں واپس روانگی تئیں معیاری خدمات ݙتیاں ویندیاں پئن ۔ انہاں آکھیے اڄوکے سال ہݨ تئیں ساریں توں ودھ عمرہ تے آوݨ آلیں دا تعلق انڈونیشیا ، عراق، ترکی ، پاکستان ، ملائیشیا ، انڈیا تے آذربیجان توں اے ۔
