اسلام آباد۔ 24 اکتوبر(اے پی پی) پاکستان تحریک انصاف دے رکن قومی اسمبلی خواجہ شیراز محمود تونسہ شریف کوں ضلع دا درجہ ݙیوݨ دے باوجود حالی تئیں ضلع دا نوٹیفکیشن جاری نا تھیوݨ تے چنتا کریندے آکھیے جو پاکستان تحریک انصاف دے چیئرمین عمران خان اتے وزیر اعلیٰ پنجاب چوہدری پرویز الہیٰ تونسہ ضلع دا نوٹیفکیشن جاری کرتے اپݨے وعدہ توڑ پچاون۔ اپݨے ہک بیان اچ انہاں آکھیے جو تونسہ شریف کوں ضلع دا درجہ ݙیوݨ تے پارٹی چیئرمین عمران خان اتے وزیر اعلیٰ پنجاب چوہدری پرویز الہیٰ دے مشکور ہیں ٻھل تونسہ دے علاوہ ٻئے چارے نویں اضلاع کوٹ ادو، مری، تلہ گنگ اتے وزیرآباد دے ناصرف باقاعدہ نوٹیفکیشن جاری تھی چکین ٻھل اتھاں ڈپٹی کمشنر وی لا ݙتے ڳین ڄݙاں جو ضلع تونسہ شریف دے نوٹیفکیشن اچ چرک تھیوݨ نال تونسہ دے عوام کوں چنتے دے نال نال وݙی بے چینی اے جیندا ازالہ کرݨ ٻہوں ضروری اے۔ خواجہ شیراز محمود مطالبہ کیتے جو ضلع تونسہ دے نوٹیفکیشن دے اجرا اچ ساریاں رکاوٹاں تیکھے دور کر تے ضلع تونسہ دا نوٹیفکیشن فوری جاری کیتا ونڄے۔
