اسلام آباد۔27اکتوبر(اے پی پی سرائیکی سروس) یونیورسٹی دے ٻالاں کوں غیر نصابی سرگرمیاں دی تربیت ڈیندے پئے ہاں۔ اے ڳالھیں اسلامیہ یونیورسٹی بہاول پور دے وائس چانسلر پروفیسر ڈاکٹر اطہر محبوب دی سرائیکی نیوز سروس نال گالھ مہاڑ کریندیں ہوئیں آکھی۔ فرید چئیر ولوں رکھی گئی ” خواجہ فرید تے وحدت الوجود ” کانفرنس تے صوفی نائٹ اچ خواجہ فرید سوسائٹی دے بالاں بہوں چنگی پرفارمنس ڈکھا تے شائقین توں خوب داد گھدی ۔ ڈو ݙینھ دی تقریب اچ خواجہ فرید چئیر ولوں صوفی نائٹ دا اہتمام کیاتا گیا جیندے اچ خواجہ فرید سوسائٹی دے بالاں سرائیکی اچ کمپیئرنگ کیتی جیڑھے نہ صرف سرائیکی ڈیپارٹمنٹ دے ہن جڈاں جو کیمسٹری، سائیکالوجی ، ماس کمیونیکیشن، بائیو تے ڈوجھے مضموناں دے شاگرد وی ہن پر انھاں آپدی ماء بولی اچ کمپیئرنگ کرتے ماء بولی نال محبت دا ثبوت ݙتا تے خواجہ فرید دیاں کافیاں گا تے شائقین دے دل لٹ گھدے ۔خواجہ فرید سوسائٹی دے ٻالاں جگ مشہور گائیک ثریا ملتانیکر تے راحت ملتانیکر دے آدر اچ کلام وی پیش کیتا ۔وائس چانسلر اسلامیہ یونیورسٹی بہاول پور پروفیسر ڈاکٹر اطہر محبوب تمغہ امتیاز دا آکھݨ ہا جو یونیورسٹی طلباء تے طالبات تے محنت کریندی پئی اے تے انھاں دیاں مہارتاں کوں نکھار تے سامݨے گھن آندی اے۔
