برسلز۔28 اکتوبر(اے پی پی)وفاقی وزیر تجارت و سرمایہ کاری سید نوید قمر آکھیے جو جی ایس پی پلس سانڳے نویں سکیم شراکت دار ملکاں تے ٻھار سٹیے ٻغیر پائیدار ترقی، گڈ گورننس اتے غربت مکاوݨ دے بنیادی مقاصد تے توجہ ݙیسی۔ اے ڳالھ انہاں برسلز اچ یورپی یونین کمیشن دے ایگزیکٹو نائب صدر اتے یورپی یونین دے تجارتی کمشنر ویلڈس ڈومبروسک نال ملݨ ویلھے آکھی۔ ایں موقع تے یورپی یونین اچ پاکستان دے سفیر ڈاکٹر اسد مجید خان وی موجود ہن۔ انہاں جی ایس پی پلس سانڳے یورپی یونین دی حمایت اتے اعتماد تے شکریہ ادا کیتے۔ وفاقی وزیر تجارت و سرمایہ کاری سانڳے روابط ودھاوݨ کیتے یورپی یونین کوں اپݨے برآمدی پورٹ فولیو کوں متنوع ٻݨاوݨ دی پاکستان دی خواہش ݙسائی۔ انہاں یورپی یونین ولوں مینوفیکچرنگ، ایگرو فوڈ دے شعبیاں اچ سرمایہ کاری بارے الایا۔
