لاہور۔30اکتوبر(اے پی پی)وزیرِ اعظم محمد شہباز شریف آکھیے جو عمران نیازی مذموم مقاصد کیتے مارچ دا اعلان کیتے، پی ٹی آئی لانگ مارچ اتے دھرنے دی اݙ اچ فساد دی سیاست کھنݙیندی پئی اے، ملک کوں نقصان پچاوݨ اتے ملک دشمن سرگرمی دی اصلوں اجازت نہ ݙتی ویسی، ملک اچ سیاسی و معاشی استحکام ہوسی تاں پاکستان اپݨا کھویا مقام ولا پا ڳھنسی۔ اے ڳالھ انہاں یوٹیوبرز نال الیندے آکھی۔ وزیر اعظم آکھیا جو ملک کوں پہلے ہی سیلاب نال ہنگامی صورتحال دا سامݨا اے، ݙیکھݨا ہوسی جو پی ٹی آئی دے ایں خونی مارچ دا کیکوں فیدہ تھیسی؟ ملک کوں پی ٹی آئی دی حکومت ݙتا کیا اے؟ عمران خان سمجھدن جو اوہے سب کڄھ ہین، عمران خان ہک مہینے پہلے ہک کاروباری سنڳتی دے ہتھ سنیہا ٻھیڄا ہا، او مذاکرات چاہندے ہن، ہک تاں آرمی چیف دا تقرر اتے ݙوڄھا انتخابات دا اے، میں ولدے اچ آکھیے جو آرمی چیف دا تقرر آئین دے مطابق تھیسی، میثاق مرشت کرݨے تاں آونڄو نتاں ناں سمڄھو۔ وزیرِ اعظم آکھیا جو عمران خان پہلے ہتھ ملاوݨ دے روادار کائناہن، ہݨ مذاکرات چاہندن۔ وزیراعظم آکھیا جو سعودی عرب دے دورے اچ چنڳی ڳالھ مہاڑ تھئی اے، سعودی ولی عہد محمد بن سلمان پاکستان اچ سرمایہ کاری دا آکھیے اتے او تیکھے پاکستان آسن۔
