برسبین۔30اکتوبر(اے پی پی)آئی سی سی ٹی 20 ورلڈ کپ دے برسبین اچ تھیوݨ آلے میچ اچ بنگلہ دیش سنسنی خیز مقابلے دے بعد زمبابوے کوں 3 رنز توں ہرا ݙتے۔ پہلے کھیݙدے ہوئے بنگلادیش مقررہ 20 اوورز اچ 7 وکٹاں دے نقصان تے 150 رنز ٻݨائن۔ اوپنر نجم الحسین شنتو 71 رنز نال ٹاپ اسکورر رہین۔ سومیا سرکار صفر، لٹن داس 14، کپتان شکیب الحسن 23، عفیف حسین 29، مصدق حسین 7 رنز تے آئوٹ تھین۔ نورالحسن اتے یاسر علی ہک ہک رن نال ناٹ آؤٹ رہین۔ زمبابوے دے رچرڈ نگروا اتے بلیسنگ موزارٓبانی ݙو، ݙو ڄݙاں جو سکندر رضا اتے شان ولیمز ہک ہک کھلاڑی آؤٹ کیتے۔151 رنز دے ولدے اچ زمبابوین ٹیم بنگال ٹائیگرز کوں ٹف ٹائم ݙتے۔ ولیمز 64 رنز ٻݨائن۔ بنگلہ دیش ولوں تسکین احمد 2 ڄݙاں جو مصدق حسین اتے مستفیض الرحمان ہک ہک وکٹ ڳھدی۔
