اسلام آباد۔31اکتوبر(اے پی پی) وفاقی وزیر قومی صحت عبدالقادر پٹیل آکھیا جو ملک اچ پنڄ سالیں توں 11 سال دی عمر دے ٻالاں کوں کورونا وائرس دی وبا توں محفوظ رکھݨ کیتے پاکستان دی حکومت کووڈ۔ 19ویکسینیشن مہم دا ݙوجھا مرحلہ سنوار توں شروع کر ݙتے جیڑھا پنڄ نومبر تئیں جاری رہسی۔ سنوار کوں ویکسی نیشن مہم دے آغاز تے آپݨے خصوصی سنیھے اچ انہاں آکھیا جو ٻال قوم دا مستقبل ہن اتے صحت مند ٻال صحت مند پاکستان دی علامت ہن۔ والدین توں اپیل اے جو او آپݨے بالاں کوں کورونا ویکسین ضرور کراون تانجو ٻالاں کوں محفوظ ٻݨا تے ٹٻر دے ٻئے لوکاں کوں وی کورونا توں بچایا ونڄ سڳدے۔ اے مہم ، پنجاب ، سندھ اتے اسلام آباد دے مختلف ضلعیاں اچ ہکے ویلھے شروع تھیندی پئی اے۔
