اسلام آباد۔31اکتوبر (اے پی پی) وزیر اعظم شہباز شریف یکم اتے 2 نومبر کوں چین دا دورہ کریسن۔ وزیراعظم کوں ایں دورے دی دعوت عوامی جمہوریہ چین دی ریاستی کونسل دے وزیر اعظم لی کیچیانگ ݙتی اے۔ دفتر خارجہ دے ترجمان ولوں جاری بیان موجب ایں سال اپریل اچ وزارت عظمیٰ دا عہدہ سنبھالݨ دے بعد وزیر اعظم محمد شہباز شریف دا چین دا پہلا دورہ ہوسی۔ وزیر اعظم 16 ستمبر 2022 کوں ازبکستان اچ چین دے صدر شی جن پنگ نال ملاقات کیتی ہئی۔ چین دی کیمونسٹ پارٹی دی تاریخی 20 ویں نیشنل کانگریس دے اجلاس دے بعد وزیر اعظم چین دا دورہ کرݨ آلے پہلے رہنماواں اچوں ہن۔ بیان موجب وزیراعظم دا دورہ پاکستان اتے چین وچال قیادت دی سطح دے دوریاں دا تسلسل اے۔ وزیر اعظم دورہ چین دے دورہ اچ صدر شی جن پنگ نال ملاقات کریسن اتے وزیر اعظم لی کیچیانگ نال وفود دی سطح تے ڳالھ کریسن۔ وزیر اعظم محمد شہباز شریف دے دورے وچال فریقین آپسی سٹریٹجک تعاون دی شراکت داری دا جائزہ ڳھنسن اتے علاقائی اتے عالمی پیش رفت تے ڳالھ مہاڑ کریسن۔ بیان اچ آکھیا ڳیا جو ایں دورے اچ مختلف شعبیاں اچ مفاہمت دی یادداشتاں اتے معاہدیاں تے دستخط متوقع ہن جݙانجو وݙے پیمانے تے ݙو پاسہ تعاون دے ایجنڈے کوں اڳوں ودھاوݨ اتے سی پیک جوائنٹ جوائنٹ کوآپریشن کمیٹی دے 27 اکتوبر کوں تھیوݨ آلے 11 ویں اجلاس دے تناظر اچ سی پیک منصوبیاں تے تعاون دی رفتار وکں مستحکم کرݨ دی وی توقع اے۔
