اسلام آباد۔1نومبر (اے پی پی) بلڈ شیڈ، بندوقاں،مندے اتے خونی انقلاب نال الیکشن نی ملدے، عمران نیازی چاہندن ملک اچ ایمرجنسی لڳے، مسلم لیگ (ن) انہاں دے دھرنے نال نبڑݨ ڄاݨدی اے، لانگ مارچ دا اسلام آباد پڄݨ توں پہلے ٻوریا بستر گول تھیسی۔2014ء اچ وی عمران نیازی چین دے صدر دے دورہ پاکستان کوں سبوتاژ کرݨ کیتے کنٹینر تے ہن اتے اڄ وی وزیراعظم دےد ورہ چین اچ کنٹینر تے ہن، نہ پہلے انہاں دے ہتھ کڄھ آیا نہ ہݨ امسی۔ وزیراعظم دا دورہ چین سی پیک منصوبیاں کیتے نواں سنگ میل ثابت تھیسی۔ اے ڳالھیں انہاں منگل کوں وزیراعظم شہباز شریف دے دورہ چین اتے سیاسی صورتحال تے ڳالھ مہاڑ کریندیں ہوئیں آکھی۔ وفاقی وزیر اطلاعات آکھیا جو وزیراعظم اہم دورے تے چین ویندے پئن، چین دی اکانومسٹ پارٹی دے رہنما شی جن پنگ تریجھی واری صدر منتخب تھین اتے چین دے صدارتی چݨاؤ دے بعد اے کہیں وی سربراہ مملکت دا پہلا دورہ اے۔ انہاں آکھیا جو صدر شی جن پنگ دے پاکستان دی ترقی کیتے جذبات پاکستان اتے چین دی عوام کیتے باعث فخر ہن۔ وفاقی وزیر اطلاعات آکھیا جو عمران نیازی دے چار سالہ دور اچ سی پیک تاخیر دا شکار تھیا۔ بلڈ شیڈ، بندوقاں،مندے اتے خونی انقلاب نال الیکشن نی ملدے، عمران نیازی چاہندن ملک اچ ایمرجنسی لڳے، مسلم لیگ (ن) انہاں دے دھرنے نال نبڑݨ ڄاݨدی اے، لانگ مارچ دا اسلام آباد پڄݨ توں پہلے ٻوریا بستر گول تھیسی۔
