اسلام آباد۔1نومبر (اے پی پی) وزیرِ اعظم محمد شہباز شریف نال بین لاقوامی مشروب ساز کمپنی پیپسی کو دے چیف ایگزیکٹیو آفیسر برائے افریقا، مشرق وسطیٰ و جنوبی ایشیا یوجین ولیم سن دی قیادت اچ وفد ملاقات کیتی۔ منگل کوں وزیراعظم آفس دے میڈیا ونگ توں جاری بیان موجب ملاقات اچ وفاقی وزیرِ صنعت و پیداوار مخدوم مرتضی محمود وی شریک ہن۔ وزیراعظم وفد دا خیر مقدم کریندیں ہوئیں آکھیا جو قوماں معاشی پالیسیاں دے تسلسل نال ٻݨدن۔ وزیراعظم پیپسی کو دی پاکستان توں خطے دے ݙوجھے ملکاں اچ برآمدات دی تعریف کریندیں ہوعیں کمپنی کوں پاکستان اچ زرعی صنعت اچ سرمایہ کاری ودھاوݨ دی ترغیب ݙتی۔ یوجین ولیم سن حکومت دی کاروبار دوست پالیسیاں تے وزیراعظم دا شکریہ ادا کیتا۔
