اسلام آباد۔1نومبر (اے پی پی) حضرت خواجہ غلام فرید دے سالانہ عرس مبارک تے سرکاری محفل “کافی رنگ” ولا بحال کیتی ونڄے۔ اے ڳالھ جگ مشہور سرائیکی گائیکی موہن بھگت دا اے پی پی سرائیکی نیوز سروس نال گالھ کریندے حکومت توں مطالبہ کریندیں ہوئیں اکھی۔ اے پی پی سرائیکی نیوز سروس نال الیندے ہوئے صدارتی ایوارڈ یافتہ فقیرا بھگت دے پتر موہن بھگت آکھے جو ڈی سی راجن پور ایں بارے توجہ ڈیون جو وݙی مدھ توں عرس مبارک تے تھیوݨ آلی سرکاری تقریب “فرید رنگ ” ہووݨ نال سرائیکی وسیب دے فنکاراں اچ مایوسی پاتی ویندی اے ۔ انھاں دا آکھݨ ہا جو حضرت شاہ عبدالطیف بھٹائی دے سالانہ عرس مبارک تے سندھ گورنمنٹ کروڑاں روپے خرچ کریندی اے تے سرائیکی وسیب دے عظیم صوفی شاعر خواجہ فرید دے سالانہ عرس مبارک دی تقریب تے خرچہ کیوں نی تھی سگدا جے کوئی سرکاری تقریب اچ کوئی محفل کافی ہوندی اے ۔ سرائیکی وسیب دی ثقافت دی آپدی پہچاݨ اے تے آپدی ثقافتی تریخ اے اساں وزیر اعلیٰ پنجاب پرویز الٰہی توں ارداس کریندے ہیں جو حضرت خواجہ فرید دا سالانہ عرس مبارک سرکاری سطح تے کافی رنگ اتے ثقافتی پروگرام رکھے ونجن ۔جیندے نال سرائیکی ثقافت کوں ودھݨ دا موقع ملسی تے صوفی ازم وی ودھسی۔
