سڈنی۔2نومبر(اے پی پی)پاکستان کرکٹ ٹیم دے افتتاحی بیٹر فخر زمان انجری پاروں جنوبی افریقا دے خلاف میچ کیتے ٹیم دا حصی کائنا ہوسن۔ پاکستان کرکٹ ٹیم دے ڈاکٹر نجیب سومرو آکھیے جو فخر زمان دا ڳوݙا ولا ݙکھ ڳئے اتے او خمیس کوں جنوبی افریقا دے خلاف میچ نہ کھیݙ سڳسن، میڈیکل پینل فخر زمان دی انجری دا سنجیدگی نال جائزہ ڳھندا پئے۔ امکان اے جو فخر زمان دی ڄاہ تے وکٹ کیپر حارث کھیݙسن۔ نیدرلینڈز دے خلاف میچ اچ فخر زمان دا ڳوݙا ولا ݙکھ ڳیا ہا اتے ڈاکٹراں انہاں کوں آرام دی صلاح ݙتی اے۔
