اسلام آباد۔2نومبر (اے پی پی سرائیکی سروس) ٻالاں کوں پرائمری تعلیم مادری زبان اچ ݙتی ونڄے۔ ۔”ادبیات اطفال اتے نصاب سازی” اچ مقررین ڳالھ مہاڑ کیتی۔ پاکستان اکادمی ادبیات اسلام آباد ولوں ترائے روزہ بین الاقوامی کانفرنس “بچوں کا ادب: ماضی ، حال اور مستقبل ” اچ ادن دے ذریعے ٻالاں دے مسئلیاں کوں اجاگر کرݨ دے نال نال انہاں دے حل کیتے مختلف تجویزاں وی ݙتی ڳی اتے ایں بارے ہک نشست نصاب سازی تے وی ڳالھ کیتی ڳی۔ نمل یونیورسٹی دے سکالر حامد محمود آکھیا جو ہر تعلیمی ادارے اچ فعال کتب خانہ ہووݨا چاہیدے۔ بلوچستان توں آئے مزمان سپیکر شیخ فرید اکادمی ادبیات دے چئیرمین ڈاکٹر یوسف خشک کوں تاریخ اچ پہلی واری ٻالاں دی عالمی کانفرنس کراوݨ تے مبارخ ݙتی۔ انہاں آکھیا جو بلوچستان اچ تھیوݨ آلی زباناں دی شاعری اردو اچ ترجمہ کرݨ دے بعد نصاب اچ شامل کیتی ونڄے۔ ڈاکٹر جاوید اقبال پرائمری نصاب اچ شامل شاعری دی خوبیاں تے محاسن بیان کیتے۔
ڈاکٹر تہمینہ عباس ڳالھ کریندیں ہوئیں ݙسیا جو اسماعیل میرٹھی جیڑھا نصاب مرتب کیتا ہئی اڄ وی اساکوں اوں سطح دی شاعری کوں منتخب کرݨ دے بعد نصاب اچ شامل کیتا ونڄے۔ سندھ توں آئے سکالر قربان منگی ݙسیا جو سندھ وتں 95 فیصد لکھݨ آلے ٻالاں دی عمر توں لکھدے پن جئیں اچ ادل سومرو ، ایاز گل اتے کئی وݙے ناں شامل ہن۔ ڈاکٹر امبر یاسمین تجویز ݙتی جو نصاب کتب اخلاقیات تے مبنی ہوون۔ ڈاکٹر عبدالستار ملک تجویز ݙتی جو نصاب اچ ٻالاں دی عمراں بارے درجہ بندی کیتے ونڄے۔ ادی عابدہ بتول تجویز ݙتی جو نصاب سازی اچ ٻالاں کوں آپݨٰی تاریخ ثقافت نال سنڄاݨ کرائی ونڄے۔ ڈاکٹر علی کمیل قزلباش آکھیا جو زبان دے معیار کوں ٹھیک کرݨ دی لوڑھ اے۔ نصاب سازی ویلھے ٻالاں دی نفسیات کوں وی ݙٹھا ونڄے۔ ݙو درجن توں ودھ کتاباں دے مصنف حفیظ خان آکھیا جو نشست دے چھیکڑ تے ڈاکٹر سعدیہ کمال اکادمی ادبیات دی ٻالاں دی پہلی عالمی کانفرنس دی کوششاں دی تعریف کریندیں ہوئیں ٻالاں کیتے ٹی وی چینل ہووݨا چاہیدے ، حکومت توں مطالبہ کریندیں ہوئیں مقالہ نگاراں اتے شرکت کرݨ آلی تریمتیں تے حضرات تے شکریہ ادا کیتا۔
