اسلام آباد۔2نومبر (اے پی پی) پاکستان اور چین کی قیادت کاسی پیک اور پاک چین دوستی کے خلاف ہر طرح کے خطرات اور منصوبوں کا مقابلہ کرنے کے لیے مضبوط عزم کا اظہار کیتے۔ پاکستان ملک اچ سارے چینی عملے، منصوبیاں اتے اداریاں دی حفاظت اتے تحفظ کیتے آپݨا عزم کیتے۔ بدھ کوں عوامی جمہوریہ چین اتے اسلامی جمہوریہ پاکستان وچال سانجھے اعلامیہ اچ آکھیا ڳیا جو چینی فریق ایں بارے پاکستان دے مضبوط عزائم دی تعریف کیتی اے۔ اے سانجھا اعلامیہ وزیر اعظم محمد شہباز شریف دے عوامی جمہوریہ چین دے ݙو ݙینھ دے سرکاری دورے دے چھیکڑ تے جاری کیتا ڳے۔ وزیر اعظم شہباز شریف دا وزارت عظمیٰ دا عہدہ سنبھالݨ دے بعد اے پہلا چین دا دورہ ہئی۔ 2023 اچ سی پیک دی کامیابیاں دی ہک ݙھاکے دی تکمیل بارے فریقین ݙوہیں ملکاں دی سماجی تے اقتصادی ترقی اچ سی پیک دے کردار تے اطمینان کیتا۔ ݙوہیں فریقین موسمیاتی تبدیلی کوں بقا دے خطرے دے طورمنیا اتے موسمیاتی تبدیلی دے منفی اثرات ڳھٹ کرݨ اتے ایں بارے موافقت پیدا کرݨ کیتے کوششاں کرݨ دا عزم کیتا۔ ݙوہیں فریقین یو این ایف سی سی سی دے نال نال اوندے پیرس معاہدے دے اہداف، اصولاں اتے دفعات کیتے آپݨی وابستگی دا اعادہ کیتا۔ ݙوہیں پاسوں دی قیادت منیا جو پاکستان اچ اڄوکے چھل دا موسمیاتی تبدلیلی دے منفی اثرات دا ڳھاٹا تعلق اے جئیں کیتے ترقی پذیر ملک ٻہوں ڳھٹ ذمہ وار ہن پر غیر مناسب اثرات دا شکار ہن۔ ماحولیاتی تبدیلیوں نال نبڑݨ کیتے پاکستان دے اقدام اتے بیلٹ اینڈ روڈ انیشیٹو دے تحت سبز تعاون کوں ودھاوݨ کیتے چین دے اقدام دی تعریف، ݙوہیں فریقین ماحولیاتی نظام دی بحالی اتے آبی وسائل دے انتظام جیھے شعبیاں اچ تعاون ودھاوݨ تے اتفاق کیتا۔
