سڈنی ۔7نومبر (اے پی پی) انٹرنیشنل کرکٹ کونسل ولوں آسٹریلیا اچ اٹھواں آئی سی سی مینز ٹی 20 ورلڈ کپ چھیکڑی مرحلے اچ اے۔ میگاایونٹ دی سیمی فائنل لائن اپ پوری تھی ڳی اے اتے پاکستان ، نیوزی لینڈ ، انگلینڈ اتے بھارت دی ٹیماں سیمی فائنل اچ پڄ ڳن۔ پاکستان اتے نیوزی لینڈ وچال آئی سی سی مینز ٹی 20 ورلڈ کپ دا پہلا سیمی فائنل میچ 9 نومبر کوں کھیݙیا ویسی۔ ݙوجھا سیمی فائنل میچ بھارت اتے انگلینڈ دی ٹیماں وچال 10 نومبر کوں ایڈیلیڈ اوول، ایڈیلیڈ اچ کھیݙیا ویسی۔
