اسلام آباد۔7نومبر(اے پی پی)صدر مملکت ڈاکٹر عارف علوی گھوٹکی اچ ڈاکواں دے حملے اچ مغوی کوں چھڑاوݨ کیتے آپریشن اچ شہید تھیوݨ آلے پولیس اہلکاراں دی شہادت تے افسوس کریندے مغفرت دی دعا کیتی۔ انہاں ڈی ایس پی عبدالمالک بھٹو، انسپکٹر عبدالمالک کمانگر، سب انسپکٹر دین محمد لغاری، کانسٹیبل جتوئی خان پتافی اتے محمد سلیم چاچڑ سودھا شہید پولیس اہلکاراں کوں خراج عقیدت پیش کیتے جیڑھے 150 توں ودھ مسلح ڈاکواں دے حملے اچ شہید تھین۔ انہاں حملے اچ زخمی تھیوݨ آلے انسپکٹر غلام علی بروہی، کانسٹیبل آفتاب احمد بھٹو اتے ممتاز علی سومرو دی صحت یابی دی وی دعا کیتی۔ صدر ڈاکٹر عارف علوی پولیس اہلکاراں دی بہادری دی تعریف کریندے آکھیا جو شہریاں کوں تحفظ، سلامتی و ذہنی سکون ݙیوݨ ریاست دی ذمہ داری اے، حکومت امن و سلامتی سانڳے سارے وسائل لاوے، اینڄھے عناصر نال تکڑا نمٹݨ دی لوڑھ اے۔
