شرم الشیخ ۔7نومبر(اے پی پی)وزیراعظم محمد شہباز شریف اتے متحدہ عرب امارات دے صدر محمد بن زید النہیان باہمی مفاد دے مشترکہ مقاصد کیتے ول مل تے کم کرݨ تے اتفاق کیتے۔ اے اتفاق شرم الشیخ اچ کوپ 27 سربراہی اجلاس ویلھے وزیراعظم محمد شہباز شریف اتے متحدہ عرب امارات دے صدر محمد بن زید النہیان ملݨ ویلھے کیتے۔ وزیراعظم شہباز شریف سیلاب متاثرین دا ہتھ ونݙاوݨ تے شکریہ ادا کریندے موسمیاتی تبدیلیاں دے اثرات دا مقابلہ کرݨ کیتے کوپ 27 دے عزم کوں سراہے۔ انہاں آکھیا جو موسمیاتی تبدیلیاں دے اثرات نال نمٹݨ صرف ترقی پزیر ملکاں دی کلہے وس دی ڳالھ نئیں ایں سانڳے عالمی برادری کوں وی رل تے مشترکہ چارٹر ٻݨاوݨا ہوسی۔ ݙوہاں رہنماواں باہمی مفاد دے مشترکہ مقاصدکیتے رل تے ٹرݨ تے اتفاق کیتے۔
