اسلام آباد۔7 نومبر(اے پی پی)وفاقی وزیر خزانہ و محصولات سینیٹر محمد اسحاق ڈار آکھیے جو مالیاتی پالیسی تے مبنی مانیٹری پالیسی نال معیشت اچ پائیدار ترقی و استحکام حاصل کیتا ونڄ سڳدے۔ اے ڳالھ انہاں گورنر اسٹیٹ بینک جمیل احمد نال ملݨ ویلھے آکھی۔ انہاں ملک دے معاشی استحکام، بحالی و ترقی کیتے تھیوݨ آلے مالیاتی اقدامات تے الایا۔ گورنر اسٹیٹ بینک آکھیا جو حکومت دی مسلسل انتظامی کوششاں اتے اسٹیٹ بینک دے پالیسی اقدامات نال پاکستانی روپے دی قدر اچ استحکام آئے شرح مبادلہ دا وادھا ڳھاٹا روکیا ڳئے۔ گورنر اسٹیٹ بینک وزیر خزانہ کوں پائیدار ترقی دے حصول کیتے مالیاتی پالیسی دے مقاصد دے مطابق مختلف میکرو اکنامک پالیسی اقدامات دا ݙسایا۔ وزیر خزانہ سینیٹر اسحاق ڈار ملک دی معاشی ترقی کیتے اسٹیٹ بینک دے اقدامات کوں تسلی بخش قرار ݙتے۔
