راولپنڈی۔8نومبر (اے پی پی) سکیورٹی فورسز دے ضلع خیبر دے علاقہ شاہ کس اچ آپریشن وچال اہم دہشت گرد کمانڈر ماریا ڳے، پاک فوج دا جوان شہید تھیے۔ ماریا ڳیا دہشتگرد سکیورٹی فورسز تے حملیاں ، ٹارگٹ کلنگ اتے بھتہ خوری اچ ملوث ہئی، ایں دہشت گردی بارے لاپتہ تھیوݨ دا پروپیگنڈا وی کیتا ویندا ہئی۔ آئی ایس پی آر دے مطابق سکیورٹی فورسز خبیر ضلع دے علاقہ شاہ کس اچ انٹیلی جنس بیسڈ آپریشن کیتا۔ سکیورٹی فورسز موثر طریقے نال دہشت گرداں کوں نشانہ ٻݨائے۔ فائرنگ دے تبادلے اچ اہم دہشت گرد لیاقت عرف شاہین ماریا ڳے۔ آپریشن اچ اسلحہ اتے گولہ بارود دی وݙی مقدار وی ملی اے۔ ایں آپریشن اچ پاک فوج دا جوان سلیم خان عمر 28 سال ، ساکن ٹوپی صوابی شہید تھی ڳے۔ علاقے اچ سکیورٹی فورسز دا کلئرنس آپریشن جاری اے۔
