اسلام آباد۔10نومبر (اے پی پی) وزیراعظم محمد شہباز شریف آݙت وار کوں پاکستان اتے انگلینڈ وچال تھیوݨ آلے ٹی 20 ورلڈ کپ فائنل بارےکرکٹ دے اعدادوشمار تے دلچسپ ٹویٹ کیتا۔ انہاں آپݨےٹویٹ اچ لکھیا جو ٹی 20 ورلڈ کپ 2022 فائنل: آݙت وار کوں (انگلینڈ) 170/0 اتے (پاکستان) 152/0 دا ٹاکرا تھیسی۔ اتھ اے ڳالھ قابل ذکر اے جو ٹی 20 ورلڈ کپ 2022 دے سیمی فائنل اچ خمیس کوں انگلینڈ بھارت کوں ݙاہ وکٹاں توں ہرائے۔ انگلینڈ بھارت دے 169 رنزدے ہدف دے مقابلے بغیر کہیں نقصان دے 170 رنز ٻݨائے۔ اینویں دبئی اچ کھیݙیے ڳے ٹی 20 ورلڈ کپ 2021 اچ پاکستان بھارت کوں 10 وکٹاں توں ہرایا ہئی۔ اوں میچ اچ بھارت پاکستان کوں 151 رنز دا ہدف ݙتا ہئی جیڑھا پاکستان دے اوپننگ بلےبازاں بغیر کہیں نقصان دے پورا کر ڳھدا ہئی۔
