اسلام آباد۔10نومبر (اے پی پی سرائیکی سروس) سید ضیاء الدین نعیم علامہ اقبال دیاں منتخب نظماں دا سرائیکی اچ ترجمہ کیتے جیکوں اکادمی ادبیات پاکستان اسلام آباد چھاپیاڳئے. شاعر مشرق ڈاکٹر محمد اقبال دا شمار دنیا دیاں اوں عظیم شخصیتاں اچ تھیندا اے جنھاں دے افکار کہیں خاص خطے ، کہیں خاص قوم اتے کہیں خاص زمانے تئیں محدود کائینی ۔انھاں دی شاعری اچ جتھاں نینگراں کیتے سبق اے اتھاں اوہک آفاقی شاعر ان ۔ اقبال دی شاعری ، شخصیت تے افکار تے جتی وی لکھا گئے تے لکھیا ویندا پیا اے اوندی مثال ڳھٹ توں گھٹ مشرق اچ کھتائیں نی لبھدی ۔علامہ اقبال دی شاعری دے ترجمے دنیا دیاں ساریاں وڈیاں زباناں اچ تھی چکئین ایں توں علاوہ پاکستانی زباناں اچ انھاں دی شاعری دے ترجمے کیتے قابل قدر کم تھیا اے ۔ اکادمی ادبیات اسلام آباد ولوں چھپݨ آلی کتاب علامہ اقبال دیاں چوݨویاں نظماں دا سرائیکی ترجمہ سید ضیاالدین نعیم کیتا اے جیڑھا نہ صرف اردو، سرائیکی دے ہک چنگے شاعر ان ڄڈاں جو انگریزی توں اردو ، اردو توں انگریزی اتے اردو انگریزی توں سرائیکی ترجمے تے وی مہارت رکھیندن ۔ انھاں دے اے ترجمے ڈوجھے ادبی رسالیاں اچ وی چھپدے ریہن ۔ایں کتاب کوں ادب دی ترویج تے اشاعت تے اہل قلم دی فلاح تے بہبود کیتے کم کرݨ آلے ادارے اکادمی ادبیات پاکستان اسلام آباد چھاپیے جیندی سرائیکی وسیب دے دانشوراں سید ضیاالدین دی عمدہ کاوش دی دل کھول تے تعریف کیتی اے تے اکادمی ادبیات دا وی شکریہ ادا کیتا اے ایں امید نال جو اے ادارہ مسقبل اچ وی بھی سرائیکی اہل قلم دی حوصلہ افزائی کریندا رہسی۔
