اسلام آباد۔10نومبر(اے پی پی)پاکستان اچ فرانس دے سفیر آکھیے جو فرانس پاکستان اچ سیلاب زدگان کیتے 2 ملین ڈالرز مختص کرݙتن۔ فرانسیسی سفیر نکولس گیلے اسلام آباد اچ نیوز کانفرنس اچ آکھیے جو پاکستان اچ سیلاب زدہ علاقیاں اچ ہک ملین یورو 3 فرانسیسی بین الاقوامی غیرسرکاری تنظیماں ولوں ݙتے ویسن۔ انہاں آکھیا جو ورلڈ فوڈ پروگرام کیتے اںجھ ہک ملین یوروز مختص کیتن جیڑھے قمبر شہداد کوٹ اتے خیرپور دے علاقیاں اچ حاملہ تریمتیں متاثرین تے خرچ کیتے ویسن، فرانس سیلاب دے اوکھے ویلھے پاکستان اتے پاکستانی عوام دے نال کھڑے۔
