اسلام آباد۔10نومبر(اے پی پی)وفاقی وزیر ماحولیاتی تبدیلی سینٹر شیری رحمان آکھیے جو ماحولیاتی تبدیلی دے بحران نال نمٹݨ کیتے وسائل دی منصفانہ ونݙ دےا قدامات کرݨے ہوسن، ویلھا آڳئے جو کلائمیٹ فنانس سانڳے ٹائم لائنز مقرر کیتاں ونڄن۔ اے ڳالھ انہاں شرم الشیخ اچ کاپ-27 اچ پاکستان پویلین اچ ‘دی لاسٹ اینڈ دی ڈیمیجڈ’ بارے سیشن اچ خطاب کریندے آکھی جو کاپ-27 دے تحت ضروری اے جو ماحولیاتی تبدیلیاں نال تھیوݨ آلے نقصانات دا ازالہ کریڄے، اساں عالمی پلیٹ فارم تے اتفاق رائے دی کوشش اچ ہیں جو ہر ملک کوں ویٹو دا حق اے، گلوبل نارتھ گلوبل سائوتھ توں اڳو تے ودھ تے فوری اقدامات کرے جیڑھے ماحولیاتی خطرات دی نویں فرنٹ لائن تے آ چکین۔ سینٹر شیری رحمان جنوبی ایشیا دے ماحولیاتی وزراء اجلاس اچ آکھیا جو آب و ہوا دی کوئی سرحد نئیں ہوندی، ایندے کیتے سرحداں دے پار تعاون ودھاوݨا چاہیدے۔
